Ab tum saath nahi, chalo koi baat nahi!

Ab tum saath nahi, chalo koi baat nahi,

Jab tak the, tab hi kahan hum saath the?

Pichhli raat hamari neend kuchh yu achanak toot gayi,

Jaise saansein saath ho kar bhi saath hamara chhod gayi.

Humne khud ko sambhala aur kaha chalo is dil ko ab sambhala jaaye,

Jo ab saath nahi, usey uske raaston par has kar chhoda jaaye.

jab koi chala jata hai, toh wo chala gaya!

usko rokne ka, ya usko wapas bulaane ka koi faayda nahi.

wo chala gaya matlab,

uske liye tumhari value ab nahi rahi.

ya, usey koi aur valuable mil gaya.

lekin in sab mein ek baat toh bilkul saaf hai,

ki ab usko tumhari koi jarurat nahi.

Aur bina jarurat ke kisi ki jarurat banna bhi toh sahi nahi.

Bass isi liye, usey roko mat, jaane do,

kyunki usmein ab tum nahi, koi aur hai.

Aur chalo rok bhi liya, toh kya faayda, jab usmein koi aur hai?

kabhi kabhi hum sahi ko bhi galat samjhte hain,

Aur kabhi kabhi, jo galat hota hai, usko apne hisaab se sahi.

Aur rishton mein aksar yahi hota hai,

Apne aap ko hi sach se door rakhte hain,

taaki ye rishtey thoda aur chal sake.

Haan wo samay tumhein sabse jyada dard deta hai,

jab tumhein rukna toh hota hai, lekin ruk nahi sakte.

kisi cheez ko jitna uljhaoge, utna hi ulajhte jaoge.

raaste hote hai, manzilein bhi hoti hain,

lekin bass humein dikhaayi nhi deti, kyunki hum dekhna nhi chahte!

Chalo maan lete hain...

Ek aise insaan ko bhoolna,

jiske sath sabse jyada waqt bitaya ho,

jisse tumne pyar kiya ho, aasaan nahi hota.

Aise insaan ke liye, jiski manzilein ab tumse alag hain,

Jiske raaste ab tumse alag hain,

Jo tumhari jagah kisi aur se pyar karta hai,

Rukna uske liye bhi toh asaan nahi hai na!

Haan usne tumse waade kiye the,

Hain na? yaad honge tumhein...

Sapne dikhaaye tumhein, or haqikat kisi aur ko bana liya,

Kiraaye par rahe tumhare paas, aur apna ghar kahin or bana liya...

Itna mat socho.

Bass ek baat jaan lo...

Wo chala gaya.

Aur jo chala jata hai,

Usko rokne ka ya wapas bulaane ka koi faayda nahi..

Zindagi kisi ke aane se ya kisi ke chale jaane se nahi rukti,

Lekin tumhare chale jaane se jarur ruk jaati hai.

Isiliye apnne liye jiyo, jo tumhare liye jeete hain, unke liye jiyo!

Chalo bhool jao un ghunghrele baalon ko,

Chhoti si pyaari si aankhon ko, Us hasi ko,

Us ek signature ke panne ko jo ab tumhari zindagi ki kitaab mein chhap chuke hain,

Chalo aazaad karo un panchhiyon ko jo tumhare raaston par uski yaad dilati hain,

Chalo bhool jao sab aur so jao, aage badho..

Kyunki ye waqt kabhi nahi theharta,

Theharti hain toh bass, YAADIEN..!!!

~ CHIRAG JHA